ဝါရှင်တန်၊ မေ-၂၃-၂၀၂၄
မျိုးဆက်(VOM)
ရုရှားဟာ ပြီးခဲ့တဲ့ သီတင်းပတ်အတွင်းက ဂြိုဟ်တုတလုံးလွှတ်တင်ခဲ့ပြီး ဒါဟာ အာကာသအတွင်းရှိ အခြားသော ဂြိုဟ်တုတွေကို တိုက်ခိုက်နိုင်စွမ်းရှိတယ်လို့ ယုံကြည်ရကြောင်း အမေရိကန်က ပြောပါတယ်။
“ ရုရှားက ဂြိုဟ်တုတလုံးကို ကမ္ဘာမြေအနိမ့်ပတ်လမ်းကြောင်းထဲကို လွှတ်တင်ထားပြီး ဒါဟာ အာကာသလက်နက် ဖြစ်နိုင်တယ်” လို့ ပင်တဂွန်စစ်ဌာနချုပ် ပြောရေးဆိုခွင့်ရှိသူ ပက်ရိုင်ဒါက ပြောပါတယ်။
အဲဒီဂြိုဟ်တုဟာ အမေရိကန်အစိုးရရဲ့ ဂြိုဟ်တုတလုံးနဲ့ ပတ်လမ်းကြောင်းတူဖြစ်ပြီး အမေရိကန်အနေနဲ့ အခြေအနေကို စောင့်ကြည့်နေကာ အကျိုးစီးပွားကိုကာကွယ်ဖို့ အဆင့်သင့်အနေအထားရှိတယ်လို့ ဆိုပါတယ်။
ရုရှားကတော့ ဒီကိစ္စနဲပတ်သက်ပြီး လူသိရှင်ကြား ထုတ်ဖော်ပြောဆိုခြင်းမရှိပါဘူး။ အမေရိကန်နဲ့ ရုရှားတို့ဟာ အာကာသလက်နက်ဆိုင်ရာပြသနာတွေနဲ့ပတ်သက်ပြီး ကုလသမဂ္ဂမှာ အကြိမ်ကြိမ် ထိပ်တိုက်ရင်ဆိုင်မှုတွေ ဖြစ်ပေါ်ခဲ့ပါတယ်။
အာကာသအတွင်း စစ်လက်နက်တွေဖြန့်ကြက်ဖို့ ကြိုးစားနေကြောင်း နှစ်ဘက်စလုံးက အပြန်အလှန် စွပ်စွဲထားသည်။ အမေရိကန်သည် အာကာသကို စစ်ရေးအရ ထိပ်တိုက်ရင်ဆိုင်ရန် နယ်မြေတခုအဖြစ် ပြောင်းလဲရန် ကြိုးပမ်းနေကြောင်း ရုရှားနိုင်ငံခြားရေးဝန်ကြီးဌာနက ပြောသည်။
နည်းပညာကို တိုးတက်ထွန်းကားလာပြီး ယင်းအပေါ် မှီခိုနေရသည့် မျက်မှောက်ကမ္ဘာတွင် အာကာသသည် စစ်ပွဲ၏ နောက်ထပ်နယ်မြေတခုဖြစ်လာနိုင်ကြောင်း စစ်ဘက်ရေးရာ ကျွမ်းကျင်သူများက ကာလရှည်ကြာ သတိပေးထားသည်။
Ref:BBC
Photo: Reuters
Related posts
-
ဟဇ်ဘိုလာခေါင်းဆောင် သေပြီလို့ အစ္စရေးစစ်တပ် ကြေညာ
တဲလ်အဗစ်၊ စက်တင်ဘာ-၂၈-၂၀၂၄ မျိုးဆက်(VOM) လက်ဘနွန်နိင်ငံ မြို့တော်ဘေရွတ်ကို ပြီးခဲ့တဲ့နေ့ညက အစ္စရေးရဲ့ လေကြောင်းတိုက်ခိုက်မှုအတွင်း... -
တောင်တရုတ်ပင်လယ်မှာ အမေရိကန်မဟာမိတ်တွေ စစ်ရေးလေ့ကျင့်ချိန် တရုတ်ကလည်း ပြိုင်တူ စစ်ရေးလေကျင့်
ပေကျင်း၊ စက်တင်ဘာ-၂၈-၂၀၂၄ မျိုးဆက်(VOM) တင်းမာမှုတွေမြင့်တက်နေတဲ့ အငြင်းပွားဖွယ် တောင်တရုတ်ပင်လယ်ဒေသမှာ တရုတ်စစ်တပ်ဟာ ဝေဟင်၊ ရေပြင်... -
ပြည်ပရောက် အလုပ်သမား လွှဲပို့ငွေစာရင်း မတင်ပြနိုင်လို့ အရေးယူခံရတဲ့ အေဂျင်စီ ၂၅၀ ကျော်ထိ ရှိလာ
စက်တင်ဘာ ၂၈ – ၂၀၂၄SS (VOM)ပြည်ပရောက် အလုပ်သမားတွေရဲ့ လွှဲပို့ငွေစာရင်း မတင်ပြနိုင်တဲ့အတွက် အရေးယူခံရတဲ့...